یولسم څپرکی

په هغه ځای کې بايد د الله لپاره نذر او قرباني ونه شي چې هلته د غير الله لپاره نذر او قرباني شوي وي

الله سبحانه و تعالی فرمايي: 

لَا تَقُمْ فِيهِ أَبَدًا ۚ، (توبة، 108 ایت)، ژباړه: ''هیڅکله [دعبادت لپاره] په هغه [جومات] کې مه دریږه''. 

عن ثابت بن الضحاك رضي الله عنه، قال: نذر رجل أن ينحر إبلاً ببوانة، فسأل النبي صلى الله ‏عليه وسلم فقال: (هل كان فيها وثن من أوثان الجاهلية يعبد)؟ قالوا: لا. قال: (فهل كان فيها ‏عيد من أعيادهم)؟ قالوا: لا. فقال رسول الله صلى الله عليه وسلم: (أوف بنذرك، فإنه لا وفاء ‏لنذر في معصية الله، ولا فيما لا يملك ابن آدم) [رواه أبو داود، وإسنادها على شرطهما].‏

ژباړه: له سیدنا ثابت بن ضحاک رضی الله عنه څخه روایت دی چې ''یو سړي نذر کړی وو چې په بوانة کې یو اوښ ذبح کړي‏ [بوانة د ځای نوم دی]، په دې اړه يې له رسول الله صلی الله علیه وسلم څخه پوښتنه وکړه، رسول الله صلی الله علیه وسلم وفرمایل: ایا په دې ځای کې ‏د جاهلیت په وخت کې ‏کوم بت وو چې عبادت يې کیده؟ وې ويل نه. رسول الله صلی الله علیه وسلم وپوښتل، ایا دا ځای د مشرکانو د ټولیدو [تجمع] او جشن مرکز وو؟ وې ویل نه. بیا رسول الله صلی الله علیه وسلم هغه سړي [صحابي رضی الله عنه] ته وویل خپل نذر دې په ځای کړه، او په دې پوه شه چې کوم نذر چې د الله د نافرمانۍ لامل ګرځي او یا د داسې شي نذر کول چې د نذرکوونکي په وس کې نه وي ترسره کول يې پکار نه دي''. 


د دې څپرکي مهمې مسالې

  1. په سورة توبة کې د الله سبحانه و تعالی د فرمان تفسیر. 

  2. ګناه او د الله رب العالمین نافرماني ځمکه هم ککړوي لکه څنګه چې په ځمکه باندې د الله سبحانه و تعالی تابعداري او بندګي هغه مبارکوي. 

  3. پیچلې او ستونزمنې مسالې باید له څرګندو او رڼو مسالو څخه بېلې کړی شي. 

  4. د اړتیا پرمهال مفتي کولای شي له مستفتي د مسالې جزیات وغواړي. 

  5. د نذر لپاره د یو ځانګړي ځای غوره کول جواز لري خو په دې شرط چې کوم شرعي بندیز او ستونزه په کې نه وي. 

  6. یو بندیز دا دی چې همدا اوس یا پخوا هلته کوم بت یا زیارت وي. 

  7.  یوبل بندیز دا دی چې دغه ځای اوس یا پخوا د مشرکانو د غونډیدلو او جشن د لمانځولو ځای وي. 

  8. په هغه ځای کې د نذر ترسره کول جایز نه دي چې هلته له پورتنیو بندیزونو څخه یو وي، په داسې ځای کې د نذر ترسره کول ګناه ده. 

  9. له مشرکانو سره له ورته والي [مشابهت] ډډه کول که څه هم د هغوی د مشابهت نیت ونه لري. 

  10. داسې نذر چې ګناه وي او د الله سبحانه و تعالی نافرماني په کې کېږي جایز نه دی. 

  11. هغه نذر جواز نه لري چې چاسره يې وس نه وي یايي په ملکیت کې نه وي. 

Popular posts from this blog

دیارلسم څپرکی

  غیرالله ته پنا ور وړل شرک دی الله سبحانه و تعالی فرمايي:  وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا، (جن، 6 ایت)، ژباړه:''او دا چې له انسانانو څخه ځینې سړیو له پیریانو څخه ځینې سړیو ته پنا ور وړه او دوی [پيریانو] خپله سرغړونه پراخه [ډیره] کړه''.  وعن خولة بنت حكيم رضي الله عنها قالت: سمعت رسول الله صلى الله عليه وسلم يقول: ‏"‏مَنْ نَزَلَ مَنْزِلاً ثُمَّ قَالَ أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ‏.‏ لَمْ يَضُرُّهُ شَىْءٌ ‏حَتَّى يَرْتَحِلَ مِنْ مَنْزِلِهِ ذَلِكَ ‏"‏، [صحیح المسلم، 2708].‏  ژباړه: له سیده خولة بنت حکیم رضی الله عنها څخه روایت دی چې وايي له رسول الله صلی الله علیه وسلم مې واوریدل چې وې فرمایل، هر چا چې په کوم کور یا کوم ځای کې واړول [ښکته شو] او وې ویل: زه د الله د مخلوقاتو له شر څخه د الله بشپړو کلماتو ته ‏پنا وړم. تر هغې چې په دې کور کې وي هیڅ شی [او هیڅوک] به ده ته زیان ونه رسوي.  د دې څپرکي مهمې مسالې د سورة الجن د ایت تفسیر.  غیر الله ته پنا ور وړل شرک دی....
Read more

څلوارلسم څپرکی

  له غیرالله مرسته غوښتل او په دعا کې يې بلل شرک دی الله سبحانه و تعالی فرمايي:  وَلَا تَدْعُ مِن دُونِ اللَّهِ مَا لَا يَنفَعُكَ وَلَا يَضُرُّكَ ۖ فَإِن فَعَلْتَ فَإِنَّكَ إِذًا مِّنَ الظَّالِمِينَ، وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ يُصِيبُ بِهِ مَن يَشَاءُ مِنْ عِبَادِهِ ۚ وَهُوَ الْغَفُورُ الرَّحِيمُ، (یونس، 106-107 ایت).  ژباړه: ''د الله پرته بل څه چې نه ګټه او نه زیان در رسولی شي مه بوله، که تا داسې وکړل نو هغه وخت به له ظالمانو يې، که الله تاته کوم زیان ورسوي د هغه [زیان] لپاره کوم لرې کوونکی نشته مګر الله، او که الله تاته خیر در ورسوي د هغه د فضل مخه هیڅوک نه شي نیولای، له خپلو بندګانو څخه چې هرچا ته وغواړي دا [خیر] ور رسوي، او هغه ښه بښونکی ښه رحم والا دی''. او الله سبحانه و تعالی فرمايي: فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ، (عنکبوت، 17 ایت)، ژباړه: ''نو روزي یوازې له الله وغواړئ او د هغه عبادت وکړئ او د هغه شکر په ځای کړئ''.  او همدارا...
Read more

دولسم څپرکی

  د غیرالله په نوم نذر کول شرک دی الله سبحانه و تعالی فرمايي:  يُوفُونَ بِالنَّذْرِ، (الانسان، 7 ایت)، ژباړه: ''[نیک بنده ګان] په نذر وفا کوي''.  او الله سبحانه و تعالی فرمايي:  وَمَا أَنفَقْتُم مِّن نَّفَقَةٍ أَوْ نَذَرْتُم مِّن نَّذْرٍ فَإِنَّ اللَّهَ يَعْلَمُهُ ، (البقرة، 270 ایت)، ژباړه: ''او له نفقې څخه هغه شى چې تاسې لګولي [زکات، خیرات، صدقه] يا له نذرونو څخه کوم ‏نذر‏ تاسې [په ځان] منلی دی نوبیشکه الله ته هغه مالوم دی''.  عَنْ عَائِشَةَ رضى الله عنها عَنِ النَّبِيِّ صلى الله عليه وسلم قَالَ"مَنْ نَذَرَ أَنْ يُطِيعَ اللَّهَ فَلْيُطِعْهُ، وَمَنْ نَذَرَ أَنْ يَعْصِيَهُ فَلاَ يَعْصِهِ ‏"‏‏، (صحیح البخاري، 6696; سنن ابوداود، 3806).  ژباړه: ''د مومنانو له مور سیده عایشه رضی الله عنها څخه روایت دی چې نبي صلی الله علیه وسلم وفرمایل، چا چې ددې نذر منلی وي چې د الله اطاعت به کوي هغه ته پکار دي چې د الله اطاعت وکړي، او چا چې د الله د نافرمانۍ نذر منلی وي هغه ته پکار نه دي چې دا [نذر] وکړي''. د دې څپرکي مهمې مسالې په نذر باندې وفا کو...
Read more